سؤیودلر باشین اییه نده

 آجیلار سانجیلیر باخیشلاریندان
سئوگی یالانیندان کئچه بیلمه ییر
یاغدیریر کدری یاغیشلاریندان
حسرت دالانیندان کئچه بیلمه ییر

یابانجی یوواسی اولوب اوره یی
پاسلانیب دویغولار، آتیب دیله یی
بورویوب گؤزلرین اؤفکه کوله یی
گئرچه یی، یالانی سئچه بیلمه ییر

بوشونا دایاندیم سیرتینا اونون
اوخویا بیلمه دیم ناغیلین سونون
قوندارما سانمادیم مه له ییم دونون
ارکؤیون اوره ییم نئجه بیلمه ییر!!!

acılar sancılır baxışlarından

sevgi yalanından keçə bilməyir

yağdırır kədəri yağışlarından

hesret dalanından keçə bilməyir

yabancı yuvası olub ürəyi

paslanıb duyğular,atıb diləyi

bürüyüb gözlərin öfkə küləyi

gərçəyi,yalanı seçə bilməyir

boşuna dayandım sırtına onun

oxuya bilmədim nağılın sonun

qondarma sanmadım mələyin donun

ərköyün ürəyim necə bilməyir!!!