یالنیز اؤیرنیردیک بیر- بیریمیزه

دئدیلر بو سئوگی باش توتان دئییل

نه سن دینله میشدین، نه من آنلادیم

زامانا تاسلاری جوت آتان دئییل

 

سنی باشلامیشدیم بیر یاز گونونده

سن منی بیتیردین بیر قیش آخشامی

سانیردین اونوتدوم اؤیرنمیشلری؟

وئردیین سؤزلردن توتدوغون وارمی؟

 

سنی یاشاییردیم دنیز- دنیز من

منی آنلاییردین داملا کیمی سن

گرک کی یولوموز آیدینلاشایدی

اوستونه قالخیردی یاواش- یاواش چن

 

بلکه بیز بیر یولو آددیملامیردیق

سانیردیق یولداشیق، یولوموز آیری

یالنیز اؤیردیردیک بیر- بیریمیزه

یاشامین چیینیندن قولوموز آیری

 

Yalnız öyrənidik bir- birimizə

Dedilər bu sevgi baş tutan deyil

Nə sən dinləmişdin, nə mən anladım

Zəmanə tasları cüt atan deyil

 

Səni başlamışdım bir yaz günündə

Sən məni bitirdin bir qış axşamı

Sanırdın unutdum öyrənmişləri

Verdiyim sözlədən qalanı varmı?

 

Səni yaşayırdım dəniz- dəniz mən

Məni anlayırdın damla kimi sən

Gərək ki yolumuz aydınlaşaydı

Üstünə qalxırdı,yavaş- yavaş çən

 

Bəlkə biz bir yolu addımlamırdıq

Sanırdıq yoldaşıq, yolumuz ayrı

Yalnız öyrəndirdik bir- birimizə

Yaşamın çinindən qolumuz ayrı