26 آذر مناسیبتی ایله :

هر نه سؤزون بیتدیی یئردن باشلادی:

اللریمیزده کی کیتابلار باریت قوخویور

فضولینین ان اسکی نوسخه سی گؤزلرینده واراقلانیر

«جانی، جانان دیله میش ، وئرمه مک اولماز ائی دیل...»

آلنیندا کی قان دوداقلارینا جیغیر سالیر

گولومسه ییرسن«قوْلجا قوْپوزو گؤتوروپ، ائلده‌ن ائله، به‌يده‌ن به‌يه

اوْزان گزه‌ر

ار جؤمه‌رديني، ار ناکه‌سيني، اوْزان بيلير
...

خانيم، هئي!...»


پوتون سسلرینین ائشلیینده، قیوراقلاشیر آددیملاریمیز

گولوستان باغینین اؤنوندن سووشوروق

خیانت سمفونیسین سسلندیریر قارغالاری

و درینله شیر ارگین یارالاری

بورخولور آیاغیم...

نسیمی گوجونه آیاقدا ساخلاییرسان

«بیزده سیغاریکن جاهان،بیز بو جهانه سیغماییز...»

ساعاتا ساری دؤنوروک...

بیزه ساری قاچیر اوشاقلار

«باخین!مشق لریمیزین هامیسین یازمیشیق...

سن ای منیم آنا یوردوم، عزیز آزرررررررررررررررررررر....

قورشونلار ساعاتدان، گؤی مچیده چیچکله نیر

سئوگی تومورجوقلانیر اوره ییمده

ساچلاریم دیلینین اوجونا باغلیدیر

آلوولانیب، کوله دؤنوروک

سؤزون بیتدیی یئرده!

91/09/24